fbpx

VIÐ KOMUM MEÐ JÓLIN TIL ÞÍN!

Allt það sem við óskum okkur í ár eru Jólagestir Björgvins, metnaðarfyllstu og skemmtilegustu jólatónleikar landsins. Síðustu 15 ár hefur landslið íslenskra listamanna fært okkur jólin með stæl og eru tónleikarnir orðnir ómissandi jólahefð hjá stórum hluta þjóðarinnar. 

Tónleikarnir í ár fara fram laugardaginn 17. desember í Laugardalshöllinni (gömlu góðu) og að venju kemur fram úrval söngvara, besta bandið, strengir, kórar, dansara og óvæntar uppákomur. Öll umgjörðin verður að sjálfsögðu á heimsmælikvarða.

Tvennir tónleikar eru í boði; kl. 17 og 21. Reiknað er með að tónleikarnir vari um 2,5 tíma með hléi. Athugið að ekki er hægt að bæta við fleiri tónleikum.

LISTAFÓLKIÐ SEM KEMUR FRAM

Jólagestir ársins eru:

  • Daníel Ágúst
  • Eyþór Ingi
  • Gissur Páll
  • Hera Björk
  • Jóhanna Guðrún
  • Stefán Hilmarsson
  • Svala
  • Vigdís Hafliðadóttir

Ásamt þeim koma fram Stórsveit Jólagesta undir stjórn Davíðs Sigurgeirssonar, strengjasveit undir stjórn Helgu Þóru Björgvinsdóttur, Reykjavík Gospel Company undir stjórn Óskars Einarssonar, Karlakórinn Fóstbræður undir stjórn Árna Harðarssonar, Barnakór Kársnesskóla undir stjórn Álfheiðar Björgvinsdóttur og dansarar úr Dansskóla Sigurðar Hákonarsonar.

Einnig koma fram sigurvegarar í Jólastjörnunni 2022 og Jólalagakeppni Rásar 2. Þættirnir Leitin að Jólastjörnunni verða sýndir í Sjónvarpi Símans en þar geturðu fylgst með upprennandi söngstjörnum Íslands keppa um að verða Jólastjarna ársins.

Þessi síða notar vafrakökur til að tryggja bestu mögulegu upplifun.