RÚV, mbl.is, Góa, KFC og Sena Live standa fyrir Jólastjörnunni 2023, söngkeppni fyrir unga snillinga sem nú er haldin tólfta árið í röð.
Sigurvegarinn kemur fram í Laugardalshöllinni með aragrúa af stjörnum 16. desember á stórtónleikunum Jólagestir Björgvins.
Þátttakendur syngja lag að eigin vali og senda inn hlekk á myndbandsupptöku af söngnum.
Dómnefnd velur þá tólf söngvara sem skara fram úr og verða þeir boðaðir í prufur sem munu skera úr um hver verður Jólastjarnan 2023. RÚV gerir sérstaka þáttaröð um allt ferlið og verða þættirnir sýndir í sjónvarpinu.
Tekið er við umsóknum á vefsvæðinu mitt.ruv.is þar sem hægt er að hlaða inn videóum.
Lagaval er algjörlega frjálst; lagið sem sungið er má vera eftir hvern sem er, af hvaða tegund og tungumáli sem hver og einn vill.
Keppnin er fyrir 14 ára og yngri. Allir þátttakendur þurfa leyfi forráðamanna.
