fbpx

Jólagestir Björgvins 2021 í beinu streymi

Það gleður okkur að staðfesta að Jólagestir Björgvins verða aftur sendir út í beinu streymi í gegnum NovaTV og myndlykla Símans og Vodafone. Þetta þýðir að allir notið tónleikanna óháð búsetu, en hægt er að horfa á tónleikana hvaðan sem er í heiminum í hvaða nettengda tæki sem er. Streymið sló rækilega í gegn í fyrra og því ánægjulegt að geta boðið upp á það aftur í ár.

Miðasala á tónleikana fer fram á Tix.is fyrir NovaTV og myndlykil Símans. Aðeins er hægt að kaupa aðgang að myndlykli Vodafone í myndlyklinum. Aðeins seinni tónleikunum verður streymt; þeir hefjast kl. 21 en útsending hefst kl 20:30 með upphitun. Hægt verður að horfa á streymið að vild í 48 klukkutíma eftir að tónleikum lýkur.

Sjáumst heima í stofu á Jólagestum Björgvins 18. desember!

Í boði eru þrjár leiðir til að horfa..

Einungis er hægt að kaupa beint í myndlyklinum

Spurt og svarað

NovaTV

1. Þú ferð inn á tix.is/jolastreymi og kaupir miða. Það er mikilvægt að þegar þú kaupir miðann að hann sé á kennitölu þess sem er skráður fyrir NovaTV aðganginum.

2. Þú færð NovaTV aðgang frítt frá og með deginum sem þú kaupir miðann og þangað til 2 dögum eftir að streyminu lýkur. Eina sem þú þarft að gera er að sækja NovaTV appið og skrá þig inn. Ef þú ert ekki með NovaTV aðgang getur þú nýskráð þig hér.

3. Streymið opnast í NovaTV appinu og á www.novatv.is á þeirri kennitölu sem miðinn var keypur á.

Nei, ef þú átt streymismiða á tónleikana þá færðu NovaTV frítt. Þú þarft bara að sækja NovaTV, skrá þig inn á kennitölunni sem miðinn var keyptur á og streymið á viðburðinn opnast sjálfkrafa á NovaTV á tónleikadeginum.

Á tónleikadeginum opnast streymið sjálfkrafa í NovaTV appinu og á novatv.is. Eina sem þú þarft að gera er að sækja NovaTV appið, skrá þig inn á sömu kennitölu og miðinn var keyptur á og njóta tónleikanna. Streymið er aðgengilegt í tvo daga eftir tónleikana. Þú finnur viðburðinn undir valmyndinni ‘Viðburðir’ á NovaTV.

Þú getur svo opnað streymið í NovaTV appinu í Apple TV eða Android TV, í appinu í iPhone eða Android, eða í vafra.

Það er lang þægilegast að horfa á tónleikana í gegn um NovaTV appið í Apple TV og Android TV. 

Ef þú átt hvorugt er best að horfa í gegnum NovaTV appið í snjallsíma eða í vafra í tölvunni og varpa í sjónvarpið þitt. Sjá ítarlegri leiðbeiningar hér fyrir neðan.

Hér eru bestu leiðirnar til þess taldar upp:

➡️iPhone/iPad eða Mac talva – AirPlay og Safari 

Opnaðu Safari í iPhone, iPad eða Mac tölvu og tengdu tækið við sama WiFi og AppleTV (eða snjallsjónvarpið þitt sem styður AirPlay). Opnaðu streymið í Safari, smelltu á AirPlay hnappinn og veldu tækið sem þú vilt horfa í.

➡️Android eða Windows – Chromecast og Google Chrome

Opnaðu Chrome í Android símanum, spjaldtölvunni eða fartölvunni, tengdu tækið við sama WiFi og Chromecastið er tengt við, og opnaðu streymið í vafra. Smelltu á cast hnappinn til að varpa því í Chromecast.

➡️Hefðbundni mátinn – snúra

Tengdu tölvuna við sjónvarp með HDMI snúru, veldu rétta input með sjónvarpsfjarstýringunni, og þú ættir að sjá fartölvuskjáinn í sjónvarpinu. Ekki gleyma að stilla hljóðstillingarnar rétt.

➡️Android Símar og snjallsjónvarp

Samsung símar – smelltu á SmartView hnappinn. Þú finnur hnappinn ef þú dregur niður valmyndina efst í símanum.

Google Pixel símar –  eru einnig með innbyggðan fítus, farðu í stillingarnar og veldu Connected devices > Connection preferences > Cast

Huawei símar – Smelltu á Wireless Projection hnappinn. Þú finnur hnappinn ef þú dregur niður valmyndina efst í símanum. 

➡️Vafri í snjallsjónvarpi

Þú getur opnað novatv.is í vafra í snjallsjónvarpi og horft á tónleikana þar, en athugið að sumir vafrar í snjallsjónvörpum styðja illa við streymi. Þú getur lent í því að streymið opnast ekki eða höktir eða frýs. Ef það gerist er best að prófa aðrar lausnir hér fyrir ofan. 

Þú finnur einnig frekari leiðbeiningar um NovaTV á vef Nova.

Já, hægt er að spóla til baka og pása á meðan útsendingu stendur.

Já, þú getur það í nýjustu útgáfu 6.2.7 af Nova appinu. Athugið að Nova appið og NovaTV er ekki það sama. Svona gerir þú það:

1. Opna miða í Vasanum í Nova appinu.
2. Smella á „Gefa miða áfram“
3. Slá inn kennitölu viðtakanda

Athugið að miðinn birtist í Vasanum í Nova appinu sem skráð er á númerið sem þú gafst upp í kaupferlinu á Tix. Ef þú finnur miðann þinn ekki þar gæti verið að rangt númer hafi verið slegið inn. 

Spólaðu örlítið til baka. Þá gefur þú nettengingunni þinni smá tíma til að hlaða streymið. Ef það virkar ekki prófaðu aðra nettengingu eins og 4G, eða skiptu um tæki eða vafra.

Allar breytingar á miðakaupum fara í gegnum Tix.is. Fyrir tæknilega aðstoð vegna NovaTV vinsamlegast hafið samband við Nova hér.

Myndlykill Símans

Þú ferð inn á tix.is/siminnstreymi og kaupir miða.

Virkjun kóða í myndlykli Símans:

1. Veldu „Menu“.
2. Smelltu á „Tilboðskóði“.
3. Sláðu inn kóðann og þú færð opnun á rás 330.

Virkja kóða í appi Símans:

1. Skráðu þig inn í Sjónvarp Símans appið og smelltu á Meira.
2. Smelltu á tilboðskóði.
3. Sláðu inn kóðann og þú færð opnun á rás 330.

Tónleikarnir hefjast 18. desember kl. 21 en útsending hefst kl 20:30 með upphitun.

Þú getur einnig keypt aðgang beint í myndlyklinum strax í dag.

Best er að nota myndlykilinn þinn en einnig er hægt að horfa á tónleikana með Síminn appinu.

Þú getur ekki fært kóða á milli notenda eftir hann hefur verið virkjaður í myndlykli Símans, en þú getur farið með þinn myndlykil á annan stað (t.d. upp í bústað), tengt hann við sjónvarpið og notað hann þar. Kóðinn virkar bæði á aðallykil og aukalykla hvers notanda.

Já, tónleikarnir verða aðgengilegir á tímaflakki um leið og þeir byrja og þar er hægt að spóla og pása að vild.

Tónleikarnir verða aðgengilegir í gegnum tímaflakk í myndlyklum Símans í 48 klst eftir tónleika. Eftir 48 klst er hægt að kaupa aðgang að tónleikunum í gegnum myndlykilinn, á fullu verði.

Allar breytingar á miðakaupum fara í gegnum Tix.is. Fyrir tæknilega aðstoð vegna myndlykils Símans vinsamlegast hafið samband við Símann hér.

Myndlykill Vodafone

Eina leiðin til að kaupa aðgang að tónleikunum í myndlykli Vodafone er að kaupa miða með fjarstýringunni beint í myndlyklinum. Þú getur gert það strax í dag.

Já, þú getur horft á tónleikana í Stöð 2 appinu. Ef þú ert ekki með myndlykil þá fara kaupin fram í gegnum vefsjónvarp Stöðvar 2.

Já, hægt er að spóla til baka og pása á meðan útsendingu stendur.

Tónleikarnir verða aðgengilegir í gegnum tímaflakk Vodafone í 48 klst eftir tónleika. Eftir 48 klst er hægt að kaupa aðgang að tónleikunum í gegnum myndlykilinn, á fullu verði.

Fyrir tæknilega aðstoð vegna myndlykils Vodafone vinsamlegast hafið samband við Vodafone hér.

Þessi síða notar vafrakökur til að tryggja bestu mögulegu upplifun.