fbpx

Jólastjarnan er Fríður París Kristjánsdóttir 11 ára.

Jólastjarnan 2021 hefur verið valin og sú heppna heitir Fríður París Kristjánsdóttir. Yfir 100 krakkar sóttu um að fá að vera með en á endanum voru 12 ungir og efnilegir söngvarar valdir af dómnefnd til að taka þátt í keppninni í ár. Dómnefndina skipuðu Björgvin Halldórsson, Eyþór Ingi og Svala og var það álit þeirra að hér væri um að ræða einn sterkasta hóp umsækjanda frá upphafi en þetta er 11. árið sem keppnin fer fram.

Fríður París Kristjánsdóttir söng Ó helga nótt og Hopelessly Devoted to You með Oliviu Newton-John úr Grease. Foreldrar hennar heita Heiðrún Hjaltadóttir og Kristján Guðbjörnsson. Hún á lítinn bróður sem heitir Kormákur Logi og er 8 ára.

Fríður er í 6. bekk í Melaskóla og æfir fimleika í Gróttu, fótbolta í KR, píanó í Nýja Tónlistarskólanum og söng. Áhugamálin hennar eru söngur, fimleikar, fótbolti, píanó og vinir.

Hlustaðu á hana syngja hér.

Þessi síða notar vafrakökur til að tryggja bestu mögulegu upplifun.